Бүгін, 25 қазанда, Қазақстанның көптеген қалаларында Республика күніне арналған салтанатты іс-шаралар өтуде.
Біздің жастар белсенділеріміз де мерекелік жаңалықтарымен бөлісуде. Бүгін бізге Ақтөбеден Қазақстанның Неміс жастары одағының мүшесі, «Ақтөбе облысының немістері ЭКО» қоғамдық бірлестігі төрағасының орынбасары Данил Цойдан құттықтау келіп жетті.
Ақтөбе қаласындағы Тұңғыш Президент атындағы орталық саябақта Мемлекеттік туды салтанатты түрде көтеру рәсімі өтті. Іс-шараға облыс әкімі Асхат Шахаров, қала әкімі Азамат Бекет және этномәдени бірлестіктердің өкілдері қатысты. Сонымен қатар Қазақстан Республикасының Мемлекеттік Әнұраны орындалып, патриоттық ән шырқалды.
Қазақстан Республикасы күні құтты болсын!
