Жеребе қорытындысы бойынша қатысушылардың сөз сөйлеу кезегі төмендегідей белгіленді:
1. Respublica партиясы – Мейрамгүл Мәдәлі;
2. «Ақ жол» демократиялық партиясы – Дулат Тастекей;
3. Жалпыұлттық социал-демократиялық партиясы (ЖСДП) – Мақсұт Насибулов;
4. «Әділет» партиясы – Рауан Кенжеханұлы;
5. «Байтақ» жасылдар партиясы – Аслан Байзаханов;
6. «Ауыл» халықтық-демократиялық патриоттық партиясы – Шахмардан Байманов;
7. Қазақстанның Халық партиясы – Бейбіт Құсайынов.
Сайлауалды теледебат 5 тамыз күні сағат 20:26-да «Жетінші арнаның» тікелей эфирінде өтеді. Биылғы пікірсайыстың негізгі тақырыбы – білім беру жүйесін дамыту.
Дебат барысында саяси партия өкілдері сайлауалды бағдарламаларын таныстырып, білім саласын дамытуға қатысты бастамаларын ортаға салады. Сондай-ақ көрермен қойған сұрақтарға жауап беріп, сайлаушыларға қорытынды үндеу жасайды.
Тікелей эфир кезінде көрермен QR-код арқылы онлайн дауыс беруге қатыса алады. Сонымен қатар «Жетінші арнаның» ресми Instagram парақшасына пікір қалдыру мүмкіндігі қарастырылған. Келіп түскен пікірлердің бір бөлігі эфир барысында нақты уақыт режимінде көрсетіледі.
